隨香港藝術館重開，除打卡熱點，唔少館藏都將要重見天日。花少少時間了解藏品歷史背景，會發現有趣又震撼嘅故事，例如發現古時都有「NFT」！
由香港藝術館藏有「大理石觀音像」，鑄於東魏興和三年（541年），即係電視劇個蘭陵王出世嗰年。石雕充滿東魏時代特色，相較被認為漢族正統嘅南朝佛教雕塑，北朝觀音像輪廓較圓潤飽滿，形象貼近鮮卑人。蓮花手觀音面相詳和，立姿靜穆，都係當時獨立歷史背景寫照。
話說當時僧人周圍傳道，普渡眾生、宣揚佛法。期間因為法義指示而打造觀音像，一方面作為記錄，同時藉此收取捐款或糧食，平民平時膜拜，有需要亦會將雕像變賣畀富人。只要比丘邀請，平民「緣覺」有成就可以學習佛法第三乘菩提乘，香火因緣亦都成為「比丘」嘅生活費，即係「托缽乞食」，然後加入佛學精英團體，間中大師會親自授法，或者派發不同福利。即係學佛可以出人頭地，例如淨土宗祖師道安，舉目無親，
又因為其貌不揚而被社會排濟歧視，依舊靠佛學開創一片天。
呢尊「大理石觀音像」石雕，其實就係當時嘅「加密貨
幣」。雖年代久遠，莫講非同質化代幣，連貨幣都無辦法統一，但古時無NFT，並不影響大家理解元宇宙形式絕非劃時代。試當真發行盲盒，兩日時間鑄造（mint）二千多張，接近一千萬收入；相對而言，二手市場只有三十多宗交投，但網民都話唔緊要，因為用會藉優先買飛都好緊要，反映NFT價值除投資潛力，更重要係其他衍生工具（Utilities）。
NFT唔係有錢就買到，仲要攞白表（White List），證明自己有資格進入元字宙。但點樣先拎到白表？首先你要有錢，然後經介紹參與線上討論，只要表現活躍，得到發行商相關保證人認證，就有資格進入某Token圈子。形式其實好似高級會所，你有可能見到持同款Token嘅名人，或者超級富豪。發行商三不五時大派福利，令你手中 Token 合體進化，獲取更大升值潛力。NFT有想像不到的升值潛力，如經典迷因可價值幾百萬美金。
同樣作為收藏品，昨天的藝術品用作記錄歷史，作為苦難時慰藉，亦係緊急時資產；今天NFT作為數碼收藏品，可以將唔同人物、波鞋、傢俬甚至超級英雄擺入線上空間作為身份象徵，不同的只係今天數碼藏品更具投機性質。